اطلاعاتو او کلتور وزارت په یوه خبر پاڼه کې ويلي، د دغه وزارت سرپرست تېره ورځ کابل کې د اروپايي ټولنې له نوې شارزدافيرې سره ليدلي دي.
دغه ليدنه کې دواړو لوريو د عامه اثارو د ارزښت، ساتنې او د دغه اثارو په اړه د عامه پوهاوي په تړاو خبرې کړي دي.
خبر پاڼه زياتوي، سرپرست وزير د فرهنګي ميراثونو په برخه کې د اروپايي ټولنې له همکاري مننه کړې او په دې برخه کې يې د لا ډېرې مرستې غوښتنه کړې ده.
نوموړي ويلي، د فرهنګي اثارو په ساتنه کې نه يواځې افغانان، بلکې نړۍوال هم مرسته وکړي.
د يادونې ده چې د اروپايي ټولنې استازې په ياده برخه کې د هر اړخيزې همکاري ډاډ ورکړې.
