اروپايي ټولنې د پوهې د ورځې په مناسبت پر اېکس ليکلي، چې باکيفيته او د لاسرسي وړ زدکړې د هر ماشوم حق دی.
دغې ټولنې ليکلي، د ماشومانو د ساتنې له سازمان سره په همکاري د پوهنې په برخه کې ۶ ميليونه يورو پانګونه کوي، چې افغان ماشومان باکيفيته زدکړې وکړي.
سرچينې دغه راز زياته کړې، له يونسکو سره په همکاري د ۴.۷ ميليونه يورو په لګښت په پنځه ولايتونو کې ۷ زره او ۵۰۰ تنو د حرفوي زدکړو زمینه برابره کړي.
خبر پاڼه زياتوي، دغه ټولنه به همداراز ۲۰ ميليونه يورو د خوړو نړيوال پروګرام ته ورکړي، چې ښوونځيو کې افغان ماشومانو ته د خواړه برابر کړي.
ياده ټولنه زياتوي، چې د ښونځيو لپاره د يو مناسب چاپيريال د برابرولو په موخه به هم ۲۵ ميليونه يورو مصرف کړي.
