د افغانستان برېښنا شرکت مسوولانو ويلي، سږ کال يې د برېښنا پېرلو لپاره ۲۲۷ ميليونه ډالر ګاونډيو هېوادونو ته ورکړي دي.
د ياد شرکت مسوولانو په يوه خبري کانفرانس کې ويلي، د ګاونډيو هېوادونو سربېره یې په همدې موده کې سه باندې ۲۸ ميليونه ډالر د برېښنا د توليد کورنيو شرکتونو ته هم ورکړي دي.
افغانستان د اړتيا وړ ډېره برېښنا له تاجکستان، ايران، ازبکستان او ت ترکمنستان څخه واردوي.
بايد ياده شي چې د ياد شرکت مسوولانو ويلي، هڅه کوي چې په کور دننه د برېښنا د توليد امکانات برابر کړي او په خبره يې چې د دې لپاره يې د سه باندې ۵۰۰ ميګاواټه برېښنا د توليد طرحه جوړه کړې ده.
