د عامې روغتيا وزارت وايي، دغه مرکز يې په افغانستان کې د پوليو ناروغۍ د تشخیص په موخه جوړ کړی.
د دغه وزارت سرپرست وايي، پلان لري چې روان ميلادي کال افغانستان له پوليو څخه پاک کړي.
نوموړي وويل، مخکې به د پوليو ناروغۍ نمونې د تشخیص په موخه بهر ته لېږدول کېدې چې د دغه مرکز په جوړېدو سره به نور د هېواد نه داخل کې تشخيص کيږي.
د پوليو ناروغي د کشف لابراتوار مسولين وايي، دغه لابراتوار په کابل کې د روغتيا نړيوال سازمان به بودیجې د ۸۰۰ زره امريکايي ډالرو په ارزښت جوړ شوی او په يوه اونۍ کې د ۵۰۰ نمونو د تشخيص وړتيا لري.
