د امربالمعروف، نهېعن المنکر او د شکايتونو اورېدو وزارت ويلي، له پاکستان راغلو کډوالو ته دندې ورکوو.
د دغه وزارت وياند عاکف مهاجر ويلي، هغه علما چې د ياد وزارت د محتبسینو په شرايطو برابر وي، خپل تحصيلي اسناد، تذکرې کاپي او څلورقطعې عکسونه دې دوی ته وسپاري.
د ياد وزارت د وياند په خبره د ثبت نام موده به د راتلونکې قوس مياشتې تر پنځمې نېټې دوام ولري.
د دغه وزارت سرپرست وزير په خپلو ټولو ولايتي ادارو غږ کړی، چې يو تازه راغلو کډوالو سره هر ډول خواخوږي وکړئ او کورونو په ترتيب کې ورسره مرسته وکړئ.
هغه همدا راز له دوی غوښتي تر څو خلک وهڅوي چې له کډوالو سره د کورونو په کرايو ټيټوالي او نورو برخو کې مرستې وکړي.
