کابل (کوه نور، ۲۶ سنبله ۱۴۰۴): د ریاستالوزرا اقتصادي مرستیال ویلي، چې اقتصادي کمیسیون پرېکړه کړې ده څو د «اورانوس د واده تالار او د هغه د پارکینګ» موجود قراردادونه لغوه او دغه ځای د قیمتي او نیمهقیمتي ډبرو مارکیټونو ته ځانګړی کړي.
د ریاستالوزرا اقتصادي مرستیال په خپره شوې خبرپاڼه کې ویلي، اقتصادي کمیسیون د عبدالغني برادر اخوند، د ریاستالوزرا د اقتصادي مرستیال، په مشرۍ پرېکړه کړې، چې د اورانوس تالار او پارکینګ قراردادونه لغوه او دغه ځای د قیمتي او نیمهقیمتي ډبرو مارکېټ ته ځانګړی شي.
په خبرپاڼه کې راغلي چې «د خلیج واده تالار او ممتاز محل تالار» باید د خپلو قراردادونو له ختمېدو وروسته د کابل ښاروالۍ د اصولو له مخې فعالیت وکړي.
د خبرپاڼې له مخې، په همدې ډول د «نظیف مارکېټ، د علاوالدین درې لارې تېل ټانک او د ظاهرشاهي مارکېټ» د آزادې داوطلبۍ له لارې ورکړل شوي او اوس مهال له نویو کرايېاخیستونکو څخه کرایه ترلاسه کېږي.
اقتصادي مرستیال زیاته کړې، چې دغه پرېکړه د امAرت اس.لامي د مشر له لوري هم تأیید شوې ده.
