د ملګرو ملتونو د بشري مرستو دهمغږي دفتر اوچا په افغانستان کې د وروستيو ورښتونو او سېلابونو په اړه په خپل وروستي راپور کې ويلي، دغه هېواد کې وروستيو سېلابونو له ۱۵۰۰ ډېرې کورنۍ اغېزمنې کړي دي.
د اوچا په خبره، دغه سېلابونو ۴۷ کورنۍ خپلو مېنو پرېښودو ته هم اړوېستلې دي.
د راپور پر بنسټ د دغه سېلابونو له امله۳۵ نفره مړه شوي او ۴۷ نور ټپيان دي.
د سرچينې د معلوماتو له مخې، سېلاب تر ټولو ډېر تلفات ارزګان کې اړولي چې ۱۲ کسان پکې مړه شوي دي.
سرچينه زياتوي، په دغه سېلابونو کې ۱۹۸ کورونه ويجاړ شوي او ۸۳۷ نور کورونه زیانمن شوي دي.
په دغه راپور کې همداراز راغلي، ۶۳ زره او ۷۰۰ جريبه کرنيزه ځمکه هم د سېلابونو له امله تخريب شوې او دغه راز ۴۷۰ څاروي هم تلف شوي دي.
