د ملګرو ملتونو د بشري مرستو د همغږۍ ادارې " اوچا" ویلي، تېر ۲۰۲۴ کال کې یې له هغه مرستو چې افغان خلکو لپاره یې غوښتې وې یواځې ۴۷ سلنه ترلاسه کړې دي.
د دغه ادارې لخوا په تازه خپاره شوي راپور کې راغلي، د افغانستان له خلکو سره بشري مرستو ته د رسېدګۍ لپاره یې څه باندې درې میلیارد ډالر بسپنه غوښتې وه؛ چې د ۲۰۲۴ کال تر پایه د دغه مرستو ۴۷ سلنه یې ترلاسه شوې او د روان کال تر مۍ میاشتې پورې یې ۵۳ سلنه مرسته ترلاسه کړې چې ۱,۶۳ میلیونه ډالره کېږي.
اوچا ویلي، د بودیجې کمښت د اوبو د برابرولو، روغتیا او صحظ الصحې برخو کې د ملګرو ملتونو د مرستو رسولو لړۍ سخته اغېزمنه کړې ده.
د ملګرو ملتونو د همغږۍ ادارې نړۍوالو ټولنو ته خبرداری ورکړی او ویلي یې دي، که د مرستو رسولو برخه کې سمدستي اقدامات ونه کړي نو افغانستان کې به د بشري ناورین کمولو هڅې له ناکامې سره مخ شي.
