د افغانستان ايمرجنسي روغتون په یوه راپور کې ويلي، له ۲۰۲۱ کال اګست راهيسي تراوسه افغانستان کې ترافيکې پېښې پنځه برابره ډېرې شوي دي.
د دغه روغتون د معلوماتو له مخې، د ۲۰۲۲ زيږديز کال مارچ میاشتې څخه تر ۲۰۲۴ زيږډیر کال مارچ میاشتې پورې دغه پېښې له ۲ زره ۶۶۲ څخه ۵ زره ۵۲۰ ته رسېدلي چې ۷۸.۵ سلنه ډېروالی ښيي.
د سرچينې په خبره، ډېری ترافيکې پېښې له سرکونو څخه د موټرو اوښتو له امله رامنځته شوي دي.
د دغه روغتون د معلوماتو له مخې، د وروستۍ مرګوني ترافيکي پېښې وروسته چې د کابل - کندهار پر لويه لار رامنځته شوه، ۲۱ تنه ټپيان دغه روغتون ته استول شوي دي.
د يادونې وړ ده چې همدا دوه ورځې وړاندې هم د کابل - کندهار پر لویه ترافيکي پېښه وشوه چې له امله يې ۵۲ تنه مړه او ۶۵ تنه ټپيان شول.
حکومت له يادې ترافيکې پېښې وروسته میرویس نیکه او مهمند ترانسپورتي شرکتونه وتړل.
