د ناروې د کډوالو شورا مشر یان ایګلنډ ویلي، له څلورو میلیونو ډېر افغان کډوال د امریکا، اسراییل او ایران ترمنځ د جګړې «هېر شوي قربانیان» دي.
د هغه په وینا، د عایداتو کمېدو او د انفلاسیون زیاتېدو له امله په ایران کې مېشت افغانان نور د دې توان نه لري، چې د خپلو کورنیو لپاره خواړه برابر او د کور کرایه ورکړي.
نوموړي زیاته کړې، چې د خوراکي توکو بیې د تېر کال په پرتله نږدې دوه برابره لوړې شوې دي.
هغه همداراز ویلي، چې زرګونو کورنیو ته د بېړنیو نغدي مرستو زمینه برابره کړې، څو وکولای شي اړین توکي ترلاسه کړي.
