بدخشان کې پر ۱۰۸ جریبه ځمکه کرل شوي نشه‌یي توکي له منځه وړل شوي

د کورنيو چارو وزارت څخه په خپره شوې خبرپاڼه کې راغلي، د نشه يي توکو پر وړاندې د مبارزې پوليسو په بدخشان کې ۱۰۸ جريبه ځمکه د نشه يي توکو له کښت پاکه کړې.

دوی همدا راز سمنګان کې هم ډیرې ځمکې د کوکنارو له کښت پاکې کړي دي.

د يادونې وړ ده، چې څو ورځې وړاندې د کورنيو چارو وزارت وياند په يو خبري کنفرانس کې ويلي وو، تېرو شپږو مياشتو کې يې ۲۲زره او ۵۰۰ جريبه ځمکه د نشه يي توکو له کښت پاکه کړې او همداراز يې ۱۱زره او ۴۰۰ روږدي هم د درملنې په موخه روغتونونو کې بستر کړي دي.