برادر: بې‌ځایه فشارونه او بندیزونه نورو هېوادونو ته هیڅ ګټه نه رسوي

خبریال: فرمان الله زبیرزی

 د ریاست الوزراء اقتصادي معاون ملا عبدالغني بردار بلخ کې د یو سودګریز مارکیټ په پرانېسته کې ویلي، افغانستان د نورو هېوادونو په تاوان نه دی؛ بلکه د نورو هېوادونو په  هوساینې او پیاوړتیا کې مرسته کوي.

د بردار پر وینا، نړۍوال دې نور سترګې خلاصي کړي، د بندیزونو او بې ځایه فشارونو پرځای دې له افغانستان  سره اقتصادي اړیکې نرمې او پراخې کړي.

نوموړی زیاتوي، افغانستان کې د کورنۍ او بهرنۍ پانګونې لپاره زمینه برابره ده او هر څوک کولی شي، چې له دې فرصت څخه ګټه واخلي او پانګونه وکړي.