د برازيل حکومت افغانانو ته د بشردوستانه ويزو ورکړه محدوده کړه.
د دغه هېواد د عدلیې، عامه امنیت او بهرنیو چارو وزارتونو په یوه ګډه خبرپاڼه کې ويلي، هغه مهال به افغانانو ته بشردوستانه ويزې ورکړي چې د هېواد پنډغالي یې د کډوالو د مېشتېدو لپاره خالي شي.
خبرپاڼه کې راغلي، چې د دې کار موخه په خوندي او منظم ډول د افغان کډوالو منل دي.
برازیل ته د افغانانو د ننوتلو يواځينۍ لاره د ګوارولوس هوایی ډګر دی. د ګوارولوس ښاروالۍ د معلوماتو له مخې ۴۸ افغانان د سپتمبر ۲۷مې انتظار په دې هوايي ډګر کې د ځای پيداکېدو په انتظار وو.
د برازيلي چارواکو په وينا تر اوسه ۲۵۷ ځايونه د کډوالو لپاره مشخص شوي دي.
د برازیل حکومت وايي، چې برازیل ته له ننوتلو وروسته په منظم او باعزته توګه د پناه غوښتونکو د بیا ځای پرځای کولو هوډ لري.
وړاندې تر دې به افغان کډوالو په مسکو، انقره، دوحه او ابوظبۍ کې د هغه هېواد سفارتونو ته د تللو نه وروسته د ویزې غوښتې کولای شوای؛ خو د نوې پرېکړې له مخې اوس یوازې په تهران او اسلام اباد کې د دغه هېواد په سفارتونو کې د ویزې غوښتنې کولای شي.
د برازيل حکومت وايي، چې د پخوا په پرتله به محدودو کسانو ته ويزې ورکړي.
