کابل (کوه نور ۱ اسد ۱۴۰۴): د بغلان ولایت ځایې مسوولانو خبر ورکړی، چې دغه ولایت کې د ډبرو سکرو یو کان نړېدلی، چې له امله یې څلور تنه مړه او ۱۸ نور ټپیان شوي دي.
د یاد ولایت د امنیه قومندانۍ په خبرپاڼه کې راغلي، دا پېښه د بغلان ولایت په کرکر سیمه کې د یوه کان یوې برخې نړېدو له امله رامنځته شوې ده.
له دې وړاندې هم د هېواد په یو شمېر ولایتونو کې د کانونو نړېدو لسګونه پېښې رامنځته شوې دي، چې وخت نا وخت پکې کان کیندونکو ته مرګ ژوبله اوړي.
باید وویل شي، چې هېواد کې د کانونو د نړېدو یو لامل د کانونو غیر معیاري کیندنې دي.
