بلخ او لوګر ولایتونو کې په دوه جلا پېښو کې د دوه کورنيو لس غړي وژل شوي دي.
د بلخ مرکز مزارشریف ښار کې نامعلومه وسلهوالو د يوې کورنۍ څلور غړي وژلي دي.
دغه پېښه د مزار شریف ښار اوومې ناحيې اړوند خراسان سيمه کې رامنځته شوې.
د بلخ امنیه قومنداني وياند محمد اصف وزيري وايي، ياده پېښه تېره ورځ(جمعه) رامنځته شوې چې په وژل شويو کې دوه ښځې او دوه سړي شامل دي.
وزيري وايي، د پېښې علت لا تراوسه نه دی معلوم.
هغه زیاتوي، چې امنیتي ځواکونه د پېښې د عاملينو د نيولو هڅه کوي.
بلخوا بیا لوګر کې يو تن د کورنيو ستونزو له امله د خپلې کورنۍ شپږ غړي وژلي.
د ځايي مسولينو په خبره په وژل شويو کسانو کې د دغه کس مېرمن او یو کوچنی زوی هم شامل دی.
د لوګر امنیه قومنداني وايي، چې قاتل د پوليسو له لوري نيول شوی دی.
