د بلخ ولايت د امر بالمعروف او نهی عن المنکر رياست مسوولان وايي، دغه ولايت کې يې روان لمريز کال د شپږ جبري نکاح ګانو مخنيوی کړی دی.
ياد رياست تېره ورځ ويلي، دغه نکاح ګانې چې په زور سره ترسره کېدلې، د دغه ولايت محتسبینو یې مخنيوی کړی دی.
سرچینې ويلي، دغه نکاحګانې د ياد ولايت مرکز سربېره په بېلابېلو ولسواليو کې شوي دي.
د ياد ياد رياست مسوولانو ويلي، «هغه کورنيو چې په زور يې دغه جبري نکاح ګانې کولې، ژمنه کړې چې دغه عمل به راتلونکې کې نه ترسره کوي.»
تر دې وړاندې د امر بالمعروف او نهی عنالمنکر وزارت ويلي وو چې ټول هېواد کې يې له ۵۰۰۰ څخه د ډېرو جبري نکاح ګانو مخه نیولې ده.
