د بهرنیو چارو وزیر، امیر خان متقي د ملګرو ملتونو د عمومي سرمنشي له مرستیالې، روزمېري ډيکارلو سره په کتنه کې غوښتنه کړې، چې د افغانستان پر بانکي سکټور لګېدلي بندیزونه دې پای ته ورسېږي او د افغانستان بانک کنګل شوې شتمنۍ دې آزادې شي.
ښاغلي متقي همدارنګه له افغانستان څخه بهر د مخدره موادو د کښت په اړه اندېښنه څرګنده کړې ده.
په دې کتنه کې د افغانستان او ملګرو ملتونو ترمنځ تعامل، همغږي او همدارنګه د دوحې پروسې ناستې، د بحث نور مهم موضوعات وو.
د یادونې وړ ده، چې د ملګرو ملتونو د عمومي سرمنشي مرستیاله، نن د یوه پلاوي په مشرۍ کابل ته راغلې او ټاکل شوې، چې له نورو افغان چارواکو او لورویو سره هم لیده کاته وکړي.
