تخار کې د زر مینځلو د یوه ځای نړېدلو پېښه کې درې تنه کارکوونکي بند پاتې و چې دوه تنه یې ژغورل شوي او یو یې خپل ژوند له لاسه ورکړی دی.
د تخار ولایت د رسنیو دفتر خبر ورکړی چې دغه پېښه د یاد ولایت د ګلکفان ولسوالۍ په "سنجتک" سیمه کې را منځته شوې ده چې دغه درې تنه کاریګر په کنده ویستلو بوخت و.
خبر پاڼه کې راغلي دوه تنه ژغورل شوي کاریګر د تخار ولایت د امنیه قومندانۍ او د یادې سیمې د اوسېدونکې په هڅو ژغورل شوي او یو هغه یې مړ دی.
د سرچینې په حواله د تخار د ګلکفان ولسوالۍ په ګډون په ځینو نورو سیمو کې خلک په دودیز ډول د سرو زرو کانونه کیندي خو د خوندیتوب اسانتیاو او معیارې تجهیزاتو نشوالي د کان کیندونکو ژوند له ګواښ سره مخ کړی دی.
د یادونې وړ ده چې په تېرو وختونو کې هم په یاد ولایت کې دغه ډول پېښې رامنځته شوي چې انساني تلفات یې لرلي دي.
