د احصايې او معلوماتو ملي ادارې د تېرې یوې میاشتې په اوږدو کې هېواد ته د هوايي ډګرونو او ځمکنيو بندرونو له لارې د دوه زره او ۳۵۰ بهرنيو وګړو تګ - راتګ ثبت کړی دی.
د احصایي او معلوماتو ملې ادارې ویاند محمد حلیم رفع وایي، د روان کال په لړم میاشت کې د ۵۰ ښځینهوو په ګډون ۱۲۸۶ بهرني وګړي هېواد ته راغلي او د ۲۳ ښځینهوو په ګډون ۱۰۶۴ نور له هېواد څخه وتلي دي.
د دغه ادارې د معلوماتو له مخې د ثبت شوي ارقام ښایې چې ۱۲۳۸ کسان له ځمکنیو بندرونو او ۴۸ تنه نور د هوا له لارې هېواد ته راغلي چې له دې ډلې یې ۲۲۴ تنه د هېواد د لرغونو او تاریخي سیمو د لیدنې او پاتې نور یې د کار په موخه راغلي دي.
د دې ادارې د ثبت شویو ارقامو له مخې تر ټولو زیات بهرني وګړي د نیمزور، د هرات هوايي ډګر او بندرونو، د تورخم او حیرتان بندرونو او د بلخ هوايي ډګر له لارې هېواد ته راغلي او وتلي دي.
