کابل (کوه نور، ۱۹ اسد ۱۴۰۴): عدلیې وزارت خبر ورکړی چې، تېره یوه میاشت کې د ځمکو د غصب څخه د مخنیوي کمېټې په فاریاب، جوزجان، دایکندي، غور، خوست، لوګر، نیمروز، سرپل، ارزګان او میدان وردګ ولایتونو کې له ۳۷ زره جریبه ډېره ځمکه دولتي ثبت، له بیا کتنې او تاید وروسته لاسته راغلې او اړوندو ادارو ته سپارل شوې ده.
دې وزارت پرون ورځ "یکشنبه، د اسد ۱۹مه" په یوه مطبوعاتي اعلامیه کې ویلي، تېره یوه میاشت کې تر ټولو ډېره ځمکه چې له پنځه زره او ۸۷۷ جریبو ډېره ښودل شوې لوګر کې ثبت شوې ده.
اعلامیه کې راغلي، یاده موده کې د هېواد په ۱۸ ولایتونو کې د ځمکو د غصب څخه د مخنیوي کمېټو له یو میلیون او یو لک ۸۰ زره جریبو څخه ډېره ځمکه دولتي ثبت کړې ده.
همدارنګه دې کمېټو د هېواد په ۲۶ ولایتونو کې له یو میلیون، ۳۲۱ زره او ۷۵۲ جریبو څخه د ډېرې ځمکې بیا کتنه ترسره کړې ده.
