د احصایې او معلوماتو ملي ادارې د روان ۱۴۰۳ کال په لړم میاشت کې د ټول هېواد په کچه د الکترونیکي تذکرو او آسان خدمت ۷۹ وېش څانګو له لارې ۱۴۳ زره او ۸۰۳ الکترونیکي تذکرې وېشلې دي.
د دې ادارې د الکترونیکي تذکرو خدمتونو ریاست د معلوماتو له مخې، د روان کال په لړم میاشت کې د وېشل شویو تذکرو تر ټولو ډېرې په کابل ولایت کې ۴۳ زره او ۳۹۹، په ننګرهار کې ۱۰ زره او ۸۹۴، په کندهار کې ۹ زره او ۶۵۶، بلخ کې ۷ زره او ۴۴۹ او هرات ولایت کې ۷ زره او ۴۳ الکترونیکي تذکرې وېشل شوې دي.
له بل لوري په یاده میاشت کې د ټول هېواد په کچه ۸ زره او ۹۲۶ نورو کسانو ته د الکترونیکي تذکرو له وېش وروسته خدمتونه هم وړاندې شوي دي.
