د حکومت مرستيال وياند حمدالله فطرت پر اېکس ليکلي، تېره ورځ له ګاونډيو هېوادونو څخه افغانستان ته ۳۸۰ کډوالې کورنۍ راستنې شوې.
هغه زياتوي، د غه کورنيو له ډلې یې، ۳۱۵ د تورخم، ۱۴ د بهرامچې، ۱۵ د اسلام، ۱۳ د ورېښمو پله او ۲۴ کورنۍ د کندهار سپين بولدک له لارې راغلي دي.
دوه ورځې وړاندې هم نږدې ۴۰۰ کډوالې کورنۍ هېواد ته راستنې شوې وې.
همدې حال کې بيا په کور دننه د کډوالو لپاره د ځمکو وېش هم پيل شوی دی.
دا په داسې حال کې ده، چې ملګرو ملتونو ويلي، تېر کال له ايران او پاکستان څخه ۲.۸ ميليونه افغان کډوال راستانه شوي او دغه لړۍ لا هم روانه ده.
