د کډوالو ستونزو ته د رسېدنې عالي کمېسیون ويلي، تېره ورځ له ايران او پاکستان څخه په جبري توګه او خپله خوښه ۱۰۶۳ کورنۍ هېواد ته راستنې شوې دي.
سرچينې ويلي، ۷۹۰ کورنۍ د تورخم له لارې، ۳۰ کورنۍ د اسلام کلا له لارې، ۱۸۵ کورنۍ د کندهار سپين بولدک له لارې، او ۵۸ کورنۍ د هلمند بهرامچې له لارې هېواد ته راستنې شوې دي.
له ايران او پاکستان څخه لا هم د کډوالو د اېستلو لړۍ دوام لري.
همدې حال کې بيا د کډوالو په چارو کې د ملګرو ملتونو عالي کمېشنري ويلي، هره ورځ له ايران او پاکستان څخه نږدې ۷۰۰۰ تنه افغانان خپل هېواد ته راځي.
