د باميان ولايت د اطلاعاتو او فرهنګ رياست وايي، تېر لمريز کال کې له سلو زرو ډېرو کورنيو او بهرنيو سیلانيانو د دغه ولايت له تاريخي او سیاحتي سیمو څخه ليدنه کړې ده.
د ياد رياست رييس صفيالله رايد وايي، له يادو سیلانیانو يې نږدې ۱۵۰۰ تنه بهرنيان دي.
ده همداراز ويلي، هڅه کوي چې دغه ولايت ته لا ډېر د سیلانیانو پام راواړوي.
د سرچينې په خبره، په پام کې لري چې بند امير سره نږدې د سیلانیانو لپاره يو معياري هوټل جوړ او همداراز د ياد بند برېښنا هم تامين کړي.
د سرپرست حکومت په راتګ سره هېواد ته د سیلانیانو د راتګ کچه د تېر په پرتله ډېره شوې ده.
د يادونې ده چې تر دې وړاندې د اطلاعاتو او کلتور وزارت ويلي وو، په ټول هېواد کې به د سیلانیانو لپاره هر اړخيز امکانات برابر او هغه تاريخي سیمې چې بیا رغېدو ته اړتيا لري ورغوي.
