جاپان په افغانستان کې ۱۶۵ ښوونځي جوړوي

د ملګرو ملتونو سازمان د ماشومانو د ملاتړ صُندق وایي، جاپان په افغانستان کې د ۱۶۵ لومړنيو ښوونځيو په جوړولو او بیارغونه کې برخه اخلي.
د دې سازمان په خبرپاڼه کې راغلي، چې جاپان به د دې ښوونځيو د رغونې او بیا رغونې لپاره ۲۵ ميلیونه ډالر مرسته وکړي.
اعلاميه زیاتوي، چې د دغو ښوونځيو له جوړولو سره ۳۳ زره زده‌کوونکو ته د زده‌کړې زمینه برابرېږي.
په اعلاميه کې راغلي، چې په دې پروژه کې د درسي ټولګيو، تشنابونو، د لاس مینځلو اسانتیاوې او د احاطې دیوالونو جوړول او بیارغول شامل دي.