جوزجان او سمنګان کې د ټرافیکي پېښو له امله ۱۱ کسانو ته مرګ ژوبله اوښتې

جوزجان کې سيمه‌ييزې سرچينې وايي چې د جوزجان – بلخ پر لويه لاره د يوې ټرافیکي پېښې له امله دوه کسان مړه او څلور نور ټپيان شوي دي.
د سمنګان د امنیه قومانداني وياند حشمت الله رحماني هم وايي، د دغه ولايت په خلم ولسوالۍ کې د يوې ټرافيکي پېښې له امله يو کس وژل شوى او څلور نور ټپيان دي.
د چارواکو په وينا، ټپيان د درملنې په موخه روغتونونو ته لېږدول شوي دي.
له دې وړاندې هم د هېواد په بېلابېلو ولایتونو کې ټرافیکي پېښې شوي چې لامل یې د موټرچلوونکو بې‌احتیاطي، د سړکونو خرابوالی او له ټرافیکي قوانینو سره د موټر چلوونکو نه بلدتیا ښودل شوې ده.