جوزجان کې د اړمنو کورنيو لپاره ۸۶ کورونه جوړ شوي.
د جوزجان ولايت د کډوالو او بېرته راستنېدونکو چارو رياست مسوولين وايي، په دغه ولايت کې يې د بې وزلو لپاره ۸۶ کورونه جوړ کړي.
د مالوماتو له مخې دغه کورونه د ملګرو ملتونو د عالي کمشنرۍ په مالي همکارۍ د دغه ولايت په فيض آباد ولسوالي او د مرکز شبرغان اړوند سيمو کې جوړ شوي.
دغه رياست همداراز ويلي، دغه کورونه چې دوه خونې، يو دهلېز، يو تشناب او د لمريزې برېښنا سيستم لري جوړ شوي او اړمنو کورنيو ته يې سپارلي.
د يادونې وړ ده چې تر دې وړاندې په هرات کې هم د زلزله ځپلو لپاره نږدې څلور زره کورونه او همداراز خوست کې هم د زلزله ځپلو لپاره کورونه جوړ شوي وو
