وروسته له هغې چې امریکا د افغانستان اوسنی حکومت د ناسم توقیف د ملاتړي په توګه ونوماوه، بهرنیو چارو وزارت په یوه اعلامیه کې ویلي، چې هېڅ بهرنی وګړی د یوې معاملې د وسیلې په توګه نه دي نیول شوي.
اعلامیه زیاتوي، چې ځينې کسان د نافذه قوانینو د سرغړونې په تور نیول شوي دي چې د قانوني پروسې تر بشپړېدو وروسته خوشې شوي دي.
سرچینې ټینګار کړی چې افغان حکومت غواړي دغه موضوع د دواړو لوريو ترمنځ د روانو خبرو او رغنده تعامل له لارې په مناسب ډول حل او پای ته ورسېږي.
د یادونې وړ ده چې تر دې وړاندې په وروستیو کلونو افغانستان د قطر په منځګړیتوب څو امریکایي بندیان خوشې کړي وو.
