د خوست د شمل خرم سينديزې فرعي حوزې رييس عبدالقيوم ثابت وايي، د دغه ولايت په صبریو ولسوالي کې د «سوريپاڼ» کانال او سربند د جوړولو چارې پرون بشپړې او ګټې اخيستنې ته وسپارل شول.
هغه وويل، دغه سربند او کانال ۱۴۰۰ متره اوږدوالى لري او د ۱۶ ميليونه او سل زره افغانيو په لګښت جوړ شوي دي.
د ثابت په وینا، د یادې پروژې مالي لګښت د سویس د پراختیايي ادارې له خوا ورکړل شوی او تخنیکي او ساختماني کارونه یې د اړیکو د دفتر «TLO» په مرسته ترسره شوي دي.
دغه پروژه د ۸ میاشتو په موده کې بشپړه شوه چې ۶۸۸ هکتاره کرنیزه ځمکه به خړوبه کړي.
خبرياله: حبيبه صها
