د کډوالو او بېرته راستنېدونکو چارو وزارت پر خپله اېکسپاڼه د یوې اعلامیه په خپرولو سره د کډوالۍ د نړۍوال سازمان (IOM) هغه راپورونه رد کړی چې ګواکې له ٢٠٢٠ کال راهیسې اته میلیونه افغانان کډوال شوي دي.
یاد وزارت ویلي، پر افغانستان د شوروي اتحاد له برید وروسته تراوسه له افغانستان څخه په دومره لویه کچه خلک نه دي کډوال شوي.
دغه وزارت ویلي، د افغانستان په تېر ٤٠ کالن تاریخ کې دا لومړی ځل دی چې د کډوالۍ په نسبت د راستنېدنې پروسه ډېره چټکه ده او په تېرو درېیو کالونو کې ٣.٧ میلیونه افغانان هېواد ته راستانه شوي دي.
د یادونې وړ ده چې په دې ورستیو کې زرګونه افغان کډوال له ایران او پاکستان څخه په جبر را اېستل کېږي.
