بهرنیو چارو وزارت د یوې اعلامیې په خپرولو د پاکستان د بهرنیو چارو وزارت د استازي اصف دراني د وروستیو څرګندونو په غبرګون کې ویلي، د افغانستان د امنيتي او اقتصادي وضعيت په اړه د اصف دراني وروستۍ څرګندونې له ځمکنيو واقعیتونو لرې او د افغانستان په تړاو د عامه افکارو د مغشوشولو هڅه ګڼل کېږي.
یاد وزارت ویلي، درواني چې د کومو ستونزو او خطرونو نسبت افغانستان ته کړی په حقیقت کې د دې هر څه احتمال له پاکستان څخه لیدل کیږي.
اعلامیه کې راغلي، افغانستان اوس يو امن او باثباته هېواد دی چې د بهرنیو هیوادونو پورونو او مرستو باندې د اتکاء پر ځای د خپلو سرچينو په کارولو سره د اقتصادي ځانبسياينې لپاره هلې ځلې کوي.
سرچینه وایي، درانی بايد پوه شي چې دا د ديپلوماتانو دنده ده چې پرېنږدي پاروونکې رسنيزې تبصرې يې د هېوادونو اړيکې زيانمنې کړي.
