د صنعت او سوداګرۍ وزارت وايي، په تېر يو کال کې د منځنۍ آسیا له هېوادونو سره نږدې يونيم مليارد ډالره راکړه ورکړه شوې.
د دغه وزارت د وياند په خبره په دغه راکړه ورکړه کې د سل مليونه ډالرو په ارزښت صادرات شوي چې ډېری يې وچې او تازه مېوې دي.
د دغه وزارت شمېرې ښیي چې تېر ميلادي کال له افغانستانه نږدې دوه مليارده ډالر صادرات شوي چې ډېره برخه يې چين، پاکستان، هند او متحده عربي امارتو ته شوي.
بلخوا بیا د سوداګرۍ او پانګونې خونه وایي، روان کال د مارچ میاشت کې د افغانستان د محصولاتو لپاره په تاجکستان کې نندارتون جوړوي چې افغان سوداګر به هم پکې برخه ولري.
