خبریال: صابر احمدزی
د افغانستان او پاکستان د خصوصي سکتور د استازو ترمنځ د دواړو هېوادونو ترمنځ د لارو د بیا پرانیستلو په اړه ترسره کېدونکې ناسته ځنډول شوې ده.
د افغانستان د سوداګرۍ او پانګونې خونې د مدیره پلاوي غړي خانجان الکوزي ویلي، د پخوانیو هوکړو له مخې ټاکل شوې وه، چې د دواړو هېوادونو پلاوي د سېشنبې په ورځ د تورخم په صفري نقطه کې سره وګوري؛ خو د پاکستان د خصوصي سکتور له لوري د «تخنیکي ستونزو» په یادولو سره دا ناسته وځنډول شوه.
بلخوا، د پاکستان د سوداګرۍ خونې یوه غړي ويلي، د پخواني توافق خلاف، د افغانستان د سوداګرۍ او پانګونې خونې خپل باصلاحیته او واکمن پلاوی نه و معرفي کړی، له همدې امله ناسته نه ده ترسره شوې.
