د مسولينو په خبره په دغه ناسته کې د ترانزیټ د ډېروالي په اړه په نويو موضوعاتو او همدارنګه په مخکنيو هوکړه ليکونو هم خبرې شوي دي.
په دغه ناسته کې د اسلام کلا، ابونصر فاراهي او نيمروز بندرونو کې د موټر چلونکو لپاره ۸ ساعته شوی وخت ۱۶ ساعتونو ته لوړ شوی چې له مخې به يې په ورځني ډول ۱۲۰۰ باروړونکي موټر تګ - راتګ کوي.
افغان حکومت په ایراني موټرو هغه شل ورځنی بنديز چې له مخې يې ایراني موټر افغانستان ته نشول راتللی هم لغوه اعلان کړی دی.
دواړه لوريو د سوداګرۍ د لا پراختیا په موخه د خاورې فیس چې د افغانستان ۵۰۰۰ افغانۍ او د ايران ۱۰۴ ډالره کېده هم معاف کړی دی.
د يادونې ده چې په دې وروستيو کې د رياست الوزرا اقتصادي مرستيال او همداراز د بهرنيو چارو وزير ایران ته سفرونه وکړل او هلته يې په مختلفو موضوعاتو له ايراني چارواکو سره خبرې اترې وکړې.
