د بهرنيو چارو وزارت مرستيال وياند ضياء احمد تکل وايي، د دې وزارت د سرپرست امير خان متقيپه مشرۍ يو پلاوی د چین په رسمي بلنه د دې هېواد په لوري روان شوي.
هغه زياتوي، چې دغه پلاوی به د شيژانګ ایالت اړوند د ټرانس هماليا فورم درېيمه ناسته کې ګډون وکړي.
د نوموړي په وينا، په پلاوي کې د اقتصاد وزارت معين ډاکټر عبدالطيف نظري او یو شمیر نور مسئولين شامل دي.
ټرانس هماليا فورم کې د هماليا د غرونو شاوخوا هېوادونو ترمنځ پر اقتصادي همکاریو، سيمهييز اتصال او ايکولوژيکي بدلونونو باندې بحثونه کېږي.
تکل زياتوي، د بهرنیو چارو وزیر او مل پلاوی به د دې فورم په څنګ کي د چین ولسي جمهوریت د بهرنیو چارو وزیر او نورو هیوادو له استازو سره دوه جانبه ناستي هم ولري.
په همدې حال کې د پاکستان د بهرنيو چارو وزارت سرپرست جليل عباس جيلاني هم چين ته د دې هېواد د بهرنيو چاو د وزير د سفر او له امیر خان متقي سره د هغه د ليدنې خبر ورکړی دی.
د پاکستان او افغانستان د بهرنيو چارو وزيران به داسې مهال له یو بل سره ګوري، چې وروستيو کې د دواړو هېوادونو تر منځ اړيکې په نسبي ډول ترينګلې شوي دي.
