د دغه وزارت سرپرست وايي، د بغلان له الوان دښتې تر ارغندي به د برېښنا ټول سټېشنونه بیا ورغوي.
د ده په خبره د کار په بشپړېدو سره به له ترکمنستانه افغانستان ته د ۱۰۰۰ میګاواټه برېښنا د لېږد زمینه هم برابره شي.
د ده په خبره د مشرتابه له فرمان سره سم به له کورنۍ سرچينو هم ۲۵۰ میګاواټه برېښنا ترلاسه کړي.
وايي، د دې کار لپاره يې له ګڼو پانګوالو سره خبرې کړي چې په نږدې راتلونکې کې به پرې کار پیل کړي.
نوموړی له کورنيو سرچينو څخه د برېښنا د ترلاسه کولو خبره داسې مهال کوي چې څو ورځې وړاندې د رياست الوزرا اقتصادي مرستيال ننګرهار ته په سفر کړی وو او هلته يې له کورنيو سرچينو څخه د برېښنا د برېښنا په ترلاسه کولو ټينګار کړی وو.
