د ملګرو ملتونو د پراختیايي پروګرام نړۍوال سازمان وايي، افغانستان کې له تېر کال راهيسې ۶۷ سلنه کورنۍ د وچکالۍ له ستونزو سره مخ شوې دي.
دغه سازمان د اوبو د نړۍوالې ورځې په مناسبت پر خپله اېکسپانه ليکلي چې ۱۶ سلنه کورنۍ بيا د سيلابونو له امله زيانمنې شوې هم دي.
د معلوماتو له مخې، افغانستان کې څه باندې څلور ميليونه وګړي د پراختيايي پروګرام په مرسته ښوونځي، روغتيايي اسانتياوو، اوبو او اضطراري مرستو ته لاسرسی لري.
افغانستان د نړۍ د هغو لسو هېوادونو له ډلې څخه دی چې د اقليمي بدلون له ستونزو سره مخ دی.
