د ترکیې ساحلي ځواکونو خبر ورکړی چې د چاناککالي په ایواجک سیمه کې یې ۳۲ افغان کډوال نیولي چې ۹ پکې ماشومان دي.
د ترکیې د ساحلي ځواکونو قومانداني ویلي چې دې افغان کډوالو په غیر قانوني توګه د یاد هېواد د پرېښودلو هڅه کوله چې ونیول شول
ترکي رسنیو د ساحلي قومندانۍ د ساتونکو له قوله راپور ورکړی چې د شمالي په ایجین سمندر کې یوه ډله کډوال د ربړي کښتۍ په واسطه د سفر پرمهال پېژندل شوي دي.
دغه افغان کډوال وروسته له قانوني چارو بشپړېدو د کډوالو محلي دفتر ته سپارل شوي دي.
دا افغان کډوال په داسې حال کې نیول شوي چې ترکي رسنیو اعلان کړی، په ټول هېواد کې د غیر قانوني کډوالو د پېژندنې او نیولو لړۍ روانه ده.
