د ریاست الوزرا د اقتصادي مرستیال د رسنیو دفتر ويلي، د لويو لارو معياري جوړول، له ګاونډيو سره د اقتصادي اړيکو پياوړتيا، لع نوي عصر سره سم په تکنالوژي سمبال سیستمونو رامنځته کول، کورنۍ او بهرنۍ پانګونې ته زمينه برابرول، د ځمکني ترانسپورټ د زېربناوو پراختيا، د اداري جوړښت اصلاح کول او په دې برخه کې بنسټيزو اصلاحاتو ته زمينه برابرول یې د کارونو په سر کې دي.
سرچینې لیکلي، عملاً په هېواد کې د لويو لارو د رغېدو کارونه روان دي.
دوی همداراز ويلي، له ولايتونو به هم ولسواليو ته د سړکونو په جوړېدو کار پيل کړي.
وړاندې لیکل شوي، د لويو لارو په جوړېدو سره ډیری هېوادوالو ته د کار کولو زمينه برابره شوې او هیوادوالو ته د کاري فرصتونو برابرول د سرپرست حکومت له لومړي توبونو څخه دي.
د سرچینې په خبره سرپرست حکومت د لويو لارو جوړېدو ته ځانګړې پاملرنه کړې او په خبره يې له دې لارې به د سوداګرۍ په برخه کې ګڼې لاسته راوړنې ولري.
