ڪابل (کوه نور، ۱۶ لیندۍ ۱۴۰۴): د ټولګټو وزارت خبر ورکړی، چې ټاکل شوې ده د روان ۱۴۰۴ هـ ش کال د لیندۍ په ۱۷مه (سبا دوشنبه) د سالنګونو اصلي لویه لاره د ټولو وسایطو، په ګډون د لویو باروړونکو موټرو پرمخ بېرته پرانېستل شي.
د یاد وزارت ویاند محمد اشرف حق شناس پر خپله اېڪس پاڼه په خپاره کړي ویډیوي کلیپ کې ویلي، د سالنګونو د لویې لارې د بیارغونې اساسي کارونه په درې برخو کې پیل شوي وو، چې شمالي سالنګ، جنوبي سالنګ، او د دوشي–خنجان برخې پکې شاملې وې.
حق شناس ویلي، د یادې لارې د بیارغونې کارونو پروژه د ا.ا.ا د اقتصادمحور پالیسۍ له مخې، د وزارت د تخنیکي ټیمونو د هڅو په پایله کې پلان شوي کارونه بشپړ شوي، که څه هم ځینې فرعي کارونه لا هم روان دي.
نوموړي د ټولګټو وزارت په نمایندګۍ له هېوادوالو او موټر چلوونکو غوښتنه کړې، چې د دې لویې لارې د تېرېدو پر مهال دې د ژمي اړین وسایل او تجهیزات له ځان سره ولري، د ترافیکي قوانینو درناوی دې وکړي، د سالنګونو د حفظ او مراقبت ریاست له ټاکل شویو ټیمونو سره دې همکاري وکړي او د دوی د لارښوونو سره سم دي د تګ-راتګ لپاره د ټاکل شوي مهالویش مطابق عمل وکړي.
