د سرپرست حکومت مشرتابه د راتلونکي کوچني اختر په مناسبت اختريز پيغام کې ويلي، د افغانستان حکومت له اسلامي هېوادونو سره د ورورۍ اړيکې غواړي.
دی همداراز له نړۍ غوښتي چې د افغانستان ارزښتونو ته احترام ولري او د دغه هېواد په کورنيو چارو کې دې لاسوهنه نکوي.
نوموړي همداراز يووالی د حکومت د تقويې لپاره اړين بللی دی.
په پيغام کې دغه راز راغلي دي چې حکومت دې شرعي قوانين او حدود تطبيق کړي او زياته کړې يې ده چې د جهاد او قربانيو هدف يې هم همدا وو.
پيغام کې له عالمانو هم غوښتنه شوې چې د بې ځايه رواجونو څڅه مخنيوی وکړي او له امر به معروف سره مرسته وکړي.
په ياد پيغام کې پر فلسطين د اسرايلو بريدونه غندل شوي او له نړۍ غوښته شوې چې له فلسطین سره ودريږي او د دوی غصب شوې ځمکې بېرته له اسرايلو واخلي.
