د کندهار ولایت د سپین بولدک ولسوالۍ مسوولان وايي، د سپین بولدک ـ چمن دروزاه به نن پنجشنه (د سپتمبر ۲۸مه) د مسافرو د تګ راتګ پر مخ تړلې وي.
ځايي مسوولانو له ټولو مسافرو غوښتي، چې د نن ورځې لپاره دې په دې لاره له تګ راتګ څخه ډډه وکړي.
دوی د لارې د تړل کېدو د علت په اړه څه نه دي ويلي.
بل لوري ته يو شمېر ځايي باوري سرچينه افغان پرېس ته وايي، چې دروازه د پاکستاني لوري لخوا د کرښې هاغاړې ته د پاکستاني چارواکو د ليدنې په موخه تړل شوې ده.
دغه سرچينه زياتوي، چې په دې لاره عاجلو ناروغانو او د ټرانزيټ او تجارت موټرو ته د تګ راتګ اجازه ورکول کېږي.
پر دغه دروازه هره ورځ زرګونه کسان له پاکستان څخه افغان خاوري او له افغانستان څخه پاکستان خاوري تګ راتګ کوي
