اوبو او انرژۍ وزارت نن سه شنبه په یوه خبر پاڼه کې ويلي، د کابل ولایت شکردرې ولسوالي کې يې د شاه و عروس بند چارې بشپړې او ګټې اخيستنې ته وسپارل شو.
د سرچینې په خبره، په ياد بند ۲۵۰ ميليونه ډالر لګښت راغلی چې د ۱.۲ ميګاواټه برېښنا توليد په کولو سره به ۲۰ زره کسانو ته د څښاک اوبه برابرې او ۲۷۰۰ هکټاره ځمکه خړوبه کړي.
د ياد بند د پرانستې مراسمو کې د سرپرست حکومت اقتصادي مرستيال ويلي، د دغه بند جوړښت د اوبو مديريت کې يو اړين ګام وو.
خبر پاڼې د حکومت د اداري مرستيال له قوله ليکلي چې لا هم پلان لري ترڅو هېواد کې د اوبو مديريت په برخه کې هڅې وکړي.
د دغه بند لومړنۍ چارې په ۱۳۹۱ هجري کال کې پيل او بیا بېرته په همدې کال ودرېدې.
د سرپرست حکومت په راتګ سره يې کارونه بیا پيل او نن ګټې اخيستنې ته وسپارل شو.
