د دغه وزارت سرپرست سمنګان ولايت کې له چارواکو سره په ليدنه کې ويلي، اوس مهال د ټول هېواد په کچه ۳۵۰ زره يتیمان، ۹۰ زره کونډې او ۱۸۱ زره معلولان له دغه وزارت سره ثبت دي، چې له ډلې يې اتيا سلنو ته میاشتنۍ مرستې ورکړي.
نوموړي په سمنګان ولايت کې يتيمانو، کونډو او معلولينو ته د نغدي پېسو د وېش د څارنې په موخه ياد ولايت ته تللی.
هغه همداراز له مسوولينو سره د ليدنې پر مهال د مرستو رسولو په برخه کې په شفافيت ټينګار کړی.
د يادونې ده، چې تر دې وړاندې سرپرست حکومت په کابل او ځينو نورو ولايتونو کې د سوالګرو د ثبت لړۍ پیل کړې وه؛ تر څو حرفوي سوالګر له هغو څخه جلا کړی چې د مجبوريت له امله سوال کولو ته مجبور شوي.
