نن د اول اګسټ په اوله د مور شېدو سره د تغذيې نړۍوالې اوونۍ په مناسبت د ملګرو ملتونو له لوري د ماشومانو د ملاتړ صندوق يونېسف ويلي، په ټوله نړۍ کې ۵۲ سلنه ماشومان له سالمو شېدو څخه نه تغذيه کيږي.
يونېسف دغه څرګندونې د روغتيا له نړۍوال سازمان سره په يوه ګډه اعلامیه کې کړي دي.
دغه صندوق ويلي، د ماشومانو لپاره د مور د شېدو تغذيه کولای شي هر کال د ۱۸۲ زره څخه د ډېرو ماشومانو ژوند وژغوري.
د مور د شېدو د تغذيې اوونۍ داسې مهال لمانځل کيږي چې څه موده مخکې د خوړو نړۍوال پروګرام په يوه راپور کې ويلي وو، په افغانستان کې له درې ميليونو څخه ډېر ماشومان په خوارځواکي اخته دي.
