د نوي کابل ښار د پروژې لومړي فاز چارې نن د سرپرست حکومت د لوړپوړو چارواکو په شتون کې پيل شوې.
دغه پروژه د کور او ښار جوړولو وزارت او خصوصي سکټور له لوري د ۷۰۰ ميليون ډالرو په ارزښت په ۱۵۰۰ جريبه جوړيږي.
دغه ښار به د اوسني کابل ښار يو نيم برابر لوی وي.
د رييس الوزرا اداري مرستيال د دغه ښارګوټي د جوړولو د پرانستې په مراسمو کې ويلي، د دغه ښارکوټي جوړول د هېواد د ابادي په لوري يو بل ګام دی.
ده همداراز زياته کړې چې نوی جوړېدونکی ښارګوټی به د اوسني کابل ښار کې د نفوسو د زیاتولي په کنټرول کې مرسته وکړي.
په همدې مراسمو کې بیا د بهرنيو چارو وزارت سیاسي مرستیال په بهر مېشتو هېوادوالو غږ کړی چې خپلې پانګې هېواد ته راوړي.
ده همداراز ويلي، بايد داسې حکومت جوړ کړو چې راتلونکي نسلونه پرې وياړوي.
