د ټرانسپورټ او هوايي چلند وزارت، د هېواد په اوولسو ولایتونو کې د جمعې او شنبې ورځ (د سپتمبر د مياشتې ۲۸مه او ۲۹مه) د باران، واورې، سیلابونو، بادونو او دوړو اټکل کړی دی.
د دغه وزارت خبرپاڼه کې یاد ولایتونه، بدخشان، نورستان، کونړ، لغمان، کابل، کاپیسا، پروان، پنجشیر، بغلان، سمنګان، بامیان، تخار، ننګرهار، لوګر، میدان وردګ، پکتیا او خوست یاد شوي دي.
په خبرپاڼه کې راغلي چې ښایي د سالنګونو سربېره په یادو ولایتونو کې د اورښت کچه له لسو تر څلویښتو ملي مترو ورسیږي.
خبرپاڼه زياتوي، چې د هېواد په لودیځ، سویل، سویل ختیځ، سویل لویدیځ، شمال، شمال ختیځ، شمال لودیځ او مرکزي ولایتونو کې د نسبتآ چټکو بادونو او دوړو اټکل هم کیږي.
