د لغمان ولايت ولایتي مسوولين وايي، چې د روان لمريز کال په لومړيو لسو مياشتو کې د کابل _ جلال اباد پر لويه لاره ۱۶۲ ترافيکي پېښې رامنځته شوي چې پکې ۵۳ تنه مړه شوي او ۱۶۷ نور ټپيان شوي.
د لغمان ولايت د ترافيکو مديريت د مالوماتو له مخې په مړه شويو کسانو کې ۲۵ نارينه، ۶ ښځې او ۲۲ ماشومان شامل دي او په ټپيانو کې بیا ۱۹۹ نارينه، ۱۹ ښځې او ۲۹ ماشومان شامل دي.
مسولين د ترافيکي پېښو د رامنځته کېدو لامل د موټر چلونکو نه بې احتياطي، د موټرو ګڼه ګوڼه، د سرکونو خرابوالی ښيي، د تېزو ليزري څراغونو استعمال او نور ښيي.
د دغه ولايت د ترافيکو مدير وايي، موټر چلوونکو ته توصیه کوو چې ترافيکي اصول مراعات کړي او احطياط وکړي ترڅو د خلکو ژوند وژغورل شي.
