د میدان وردګ امنیتي چارواکي وايي، تېره ورځ د کابل – کندهار پر لویه لاره د یوې ټرافیکي پېښې له امله ۶ کسانو ته مرګ ژوبله اوښتې ده.
د دغه ولایت د امنیې قومنداني څخه په رالېږل شوې خبرپاڼه کې راغلي چې دغه ټرافیکي پېښه د کرولا او ټوډي موټرو ترمنځ د ټکر له امله رامنځته شوې ده.
خبرپاڼه کې ویل شوي چې په یاده ټرافیکي پېښه کې دوه کسان وژل شوي او ۴ نور ټپیان دي.
د ورکړل شويو معلوماتو له مخې، د دې پېښې ټول ټپيان د امنيتي ځواکونو لهخوا د درملنې په موخه ولايتي روغتون ته لېږدول شوي دي.
پېښه د موټر چلوونکو د بې احتیاطۍ او ګړندي تګ له امله رامنځته شوې ده
خبرياله: حبيبه صها
