د کونړ د مرورې ولسوالي نوم منورې ته بدل شو

سرپرست حکومت د کونړ د مرورې ولسوالۍ نوم د دغې ولسوالي د علماوو او مشرانو په غوښتنې منورې ته بدل کړ .
کورنيو چارو وزارت وایي،  دغه وزارت په وړانديز او د ریاست‌الوزراء د یو  حکم له لارې  د کونړ ولایت د مرورې ولسوالي  پښتو نوم یې عربي منورې ته واړوو.
ياد وزارت ويلي چي د مرورې نوم ناسمه معنی درلوده ځکه یې ورته د بدلېدو پریکړه وکړه. 
سرچینې لیکلي: «د نوم ایښودنه د هر اداري واحد د ولسونو حق دی چې د سیمې اوسېدونکي یې پرې خوشحاله، راضي او سوکاله ژوند ولري.»
ورته مهال ارګ ددی وړانديز په منلو سره زياته کړې چي د دې ولسوالي راتلونکي ټول سندونه  به د منورې په نوم او پخواني سندونه به له خپل تاريخ سره سم په پخواني نوم د اعتبار وړ وي او بدلون ته اړتيا نه لري.